Kunal Marathe

भारतीय जनता पार्टी युवा मोर्चा,महाराष्ट्र राज्य

कुणाल मराठे

प्रदेश उपाध्यक्ष

राजकीय वारसा नसताना कुणाल मराठे युवा ने मारली भाजपा वार्ड उपाध्यक्षपदापासून ते भाजपा युवा मोर्चा राज्य उपाध्यक्षपदापर्यंत मजल

समाजासाठी काही देणं लागतो या भावनेतून सुरू केलेल्या कार्याची पोचपावती आपल्याला कधी ना कधी मिळते. यासाठी लागते ती काम करण्याची जिद्द, मेहनत आणि समाजासाठी कार्य करण्याची आवड. शहरातील कोटला कॉलनीत राहणाऱ्या कुणाल मराठे या तरूणाने महाविद्यालयीन जीवनापासूनच समाजसेवे ची आवड जोपासत आजमितीला राजकीय क्षेत्रात भाजपा युवा मोर्चाच्या राज्य उपाध्यक्षपदापर्यंत यश गाठून राजकीय क्षेत्रात युवक – युवतींना येण्याचा सकारात्मक संदेश देत आहे.

कोटला कॉलनीतील कुणाल मराठे यांचे आई, वडिल, बहिण असे सर्वसामान्य कुटूंब आहे. वडिल शासकीय सेवेत तर आई गृहिणी आहे. आजचा युवक सोशल मीडीयावर वेळ घालवत असताना दुसरीकडे कुणाल मराठे याने आपल्या राजकीय सामाजिक क्षेत्रात चांगलेच चांगले कार्य करण्याचे ध्येय ठेवले आहे.

लहानपणापासूनच देशभक्तीची आवड

कुणाल मराठे यांनी सांगितले की, घरातील परिस्थिती सामान्य होती. कोणताही राजकीय वारसा लाभलेला नाही. पाचवीपर्यंत रवींद्र नाथ टागोर नंतर नेवासा येथील सैनिकी त्रिमूर्ती शाळेत शिक्षण घेतले. यानंतर दहावीपर्यंत सरस्वती भुवन शाळेत शिक्षण घेऊन पुढे महाविद्यालयीन शिक्षण डिप्लोमा इन सिव्हिल इंजिनिअरपर्यंत घेतले. तसेच घरात जेमतेम परिस्थिती असल्याने कॉलनीत दूधाच्या बॅगसुध्दा घरोघरी पोहचवण्याचे काम केले. याचकाळात विद्यार्थी दशेत असताना कॉलनीमध्ये छत्रपती शिवाजी महाराजांची जयंती, डॉ. बाबासाहेब आंबेडकरांची जयंती, गणेश उत्सव,नवरात्रि उत्सव सार्वजनिक सण, उत्सवात सहभागी होवून सामाजिक कार्याची आवड जोपासली. यातूनच पुढे राजकीय क्षेत्रात काम करताना भाजपा वॉर्ड उपाध्यक्षपदावर काम करण्याची संधी मिळाली.

सामाजिक कार्यातून मदतीचा हात

लहानपणापासून कुणाल मराठे यांना देशभक्ती व सामाजिक कार्याची आवड होती. महाविद्यालयीन शिक्षण संपल्यानंतर सिव्हिल क्षेत्रात कंत्राटदार म्हणून काम करण्यास सुरूवात केली. वार्डातील सामाजिक प्रश्न सोडवणे, वर्गणी, भंडारा या माध्यमातून लोकांशी संपर्क वाढला. कॉलनीतील रस्त्याचे काम पूर्ण करण्यासाठी तीन दिवस महानगर पालिका कार्यालय समोर आमरण उपोषणसुध्दा केले. एवढेच नाहीतर रक्तदान शिबिरे, अन्नदान, कोरोनाच्या काळात किराणा कीट वाटप, टुर्नाेमेंट, अनाथलयात व घाटीत फळ वाटप, वार्डातील महिलांना संरक्षणाचे प्रशिक्षण तसेच विद्यापीठातील विद्यार्थ्यांच्या प्रश्नावर आंदोलने केली. तसेच मुख्यमंत्री देवेंद्र फडवणीस यांच्या वाढदिवसानिमित्त लोकनेते महोत्सव, गरजवंत मुलांना रेनकोट, दप्तर, मोलकरणी, भाजी विक्रेत्यांना छत्र्याचे वाटप, आरोग्य तपासणी शिबिर घेतले.

राजकीय क्षेत्रात भरारी

सामाजिक कार्याची आवड जोपासत असताना राजकीय क्षेत्रातसुध्दा कुणाल मराठे यांनी भरारी घेतली. सुरूवातीच्या काळात वार्डातील भाजपा उपाध्यक्ष्रपदाची जबाबदारी सांभाळाली. यानंतर भाजपा युवा मोर्चात शहर जिल्हा प्रसिध्दी प्रमुखनंतर भाजपा युवा मोर्चाच्या प्रदेश कार्यकारिणीचे सदस्यपदी काम केले. यानंतर भाजपाचे छत्रपति संभाजीनगर सचिव पदाची जबादारी सांभाळली. तसेच भारतीय रेल्वे बोर्डाच्या डायरेक्टरपदी काम केले. भारतीय जनता युवा मोर्चा प्रदेश सचिव तर सध्या भाजपा युवा मोर्चाचे महाराष्ट्र राज्य उपाध्यक्षपदावर काम करत आहेत. यावेळी युवक-युवतींनी राजकारणात आले पाहिजेत असा संदेश कुणाल मराठे यांनी दिला. ते म्हणाले की, उत्तम कंत्राटदार सोबतच राजकीय क्षेत्रातसुध्दा विविध पदांवर काम करत आजपर्यंत ४० ते ४२ हजार लोकापर्यंतचा दांडगा संपर्क वाढला. यापुढे प्रभागातील अडीअडचणी सोडवणे, संघटनात्मक जबाबदारी चांगली पार पाडणार असल्याचे सांगितले.